Prosiect mesurau trafnidiaeth leol gynaliadwy mewn ymateb i Covid-19: RHUTHIN
Pam ydyn ni`n gwneud hyn?
Cynhaliwyd yr ymgynghoriad hwn rhwng 10 a 26 Gorffennaf, ac mae bellach wedi cau. Gallwch ddarllen yr ymgynghoriad gwreiddiol a'n canfyddiadau isod.
Darganfod 'normal newydd' ar gyfer canol tref Rhuthun
Ym mis Mai 2020, bu Llywodraeth Cymru yn galw am ddatganiadau o ddiddordeb gan awdurdodau lleol i wneud cais am arian i gyflwyno newidiadau tymor byr dros dro i ganol trefi a fydd yn helpu i wneud iddynt deimlo'n ddiogel ac yn groesawgar. Cyflwynodd y Cyngor ddatganiadau o ddiddordeb ar gyfer cynlluniau arfaethedig yn Rhuthun, Dinbych, Llangollen, Rhuthun a'r Rhyl.
Ar 21 Mehefin 2020, lansiodd y Cyngor arolwg i ganfod sut roedd busnesau a thrigolion yn teimlo bod canol trefi yn dechrau ail-agor. Mae ymatebion cynnar yn dangos bod busnesau'n dawelach nag y byddent fel arfer am yr adeg o'r flwyddyn, a bod preswylwyr yn nerfus ar y cyfan ynghylch dychwelyd i ganol trefi. Nododd llawer o ymatebwyr nad oeddent ond yn ymweld â chanol trefi i gyflawni tasgau hanfodol ac roedd dros hanner yr ymatebwyr a adawodd sylw yn mynegi pryderon am led palmentydd a'r anallu i ymarfer ymbellhau cymdeithasol yn ddiogel. Mae'r arolwg yn parhau a gellir ei weld yma.
Mae'r ymatebion i'r arolwg a dderbyniwyd hyd yn hyn yn awgrymu bod yr ystod o gynigion a gyflwynodd y Cyngor i Lywodraeth Cymru yn briodol ac yn gymesur â graddfa'r pandemig cyfredol Covid-19. Mae Llywodraeth Cymru wedi cymeradwyo cyllid ar gyfer y cynigion, ond hoffai'r Cyngor ymgynghori â'r gymuned leol cyn gwneud unrhyw benderfyniad terfynol ar y cynllun.
I grynhoi, y cynigion ar gyfer Rhuthun yw:
1. Cefnogi pellterau cymdeithasol yn Stryd y Farchnad a Stryd y Ffynnon drwy gyflwyno system draffig unffordd i ganol y dref ar hyd y llwybrau hyn. Bydd hyn yn golygu y gellir ehangu palmentydd mewn mannau problemus
2. Cefnogi tafarndai, caffis a bwytai yng nghanol tref Rhuthun i greu ardaloedd eistedd y tu allan lle mae'n ddiogel ac yn ymarferol gwneud hynny.
3. Cydnabod y diddordeb cynyddol mewn teithio llesol a'r manteision iechyd cysylltiedig, ac annog a chefnogi pobl i ddewis teithio llesol fel ffordd o deithio yng nghanol y dref drwy weithredu newidiadau i'r seilwaith sy'n gwneud teithio llesol yn haws
Mae rhagor o fanylion am y cynigion ar gael i'w lawrlwytho isod:
1. Dogfen cynllun ar gyfer Rhuthun (PDF)
2. Map y cynllun ar gyfer Rhuthun (PDF)
Beth ydym ni eisiau ei wybod?
.
Dweud eich dweud!
Byddem yn ddiolchgar pe gallech ein helpu i ddeall sut yr ydych yn teimlo am y cynllun arfaethedig drwy lenwi'r arolwg a gysylltir isod.
Os bydd y cynllun arfaethedig (neu fersiwn addasedig ohono) yn mynd yn ei flaen, byddwn yn parhau i gasglu eich adborth a bydd y cynllun yn cael ei fonitro'n agos iawn.
Lleoliad:
-
Dyddiad Cychwyn
10 Gorffennaf 2020
-
Dyddiad Gorffen
26 Gorffennaf 2020
-
Dulliau
Digwyddiad Ymgynghori
-
Cyflenwr
Cyngor Sir Ddinbych
Beth ddaeth i’r amlwg
Derbyniodd y Cyngor gyfanswm o 606 o ymatebion i'r ymgynghoriad hwn. O'r rhain, roedd tua 81% o'r ymatebwyr o blaid y cynllun dros dro arfaethedig.
Cafodd y data ymateb ei goladu a'i gyflwyno i Grŵp Ardal Aelodau Rhuthun (MAG), grŵp o Gynghorwyr ar gyfer ardal Rhuthun. Gellir gweld yr adroddiadau isod:
1. Adroddiad i'r MAG (PDF)
2. Adroddiad Cryno ar Ymgysylltu (PDF)
3. Adroddiad data manwl (PDF)
Pa wahaniaeth mae e wedi neud?
Argymhellodd yr MAG Rhuthun i'r Aelod Arweiniol dros Wastraff, Trafnidiaeth a'r Amgylchedd y penderfynwyd bwrw ymlaen â'r cynllun, gyda chefnogaeth yn rhannol gan yr ymatebion cymunedol ffafriol a gafwyd.
Bydd y cynllun dros dro yn cael ei osod ym mis Tachwedd 2020 am gyfnod prawf heb fod yn hwy na 18 mis.
Bydd trigolion a busnesau lleol yn cael cyfle i roi adborth ar y cynllun prawf unwaith y bydd gwaith i'w osod wedi'i gwblhau.
Adroddiadau a Chysylltiadau
